МОНГОЛ КИНО УРЛАГИЙН ТАНХИМ

• 1913 онд Сайн ноён хан Намнансүрэн Оросоос кино авчран Богд Хааны өргөөнд гаргаж байсан түүхтэй. 1916-1918 онд Дээд Шивээ (Шивээ хиагт, Алтанбулаг)-т орос кино гардаг байсан. Ардын хувьсгалын дараа Монголд кино болон киноны төхөөрөмжүүд орж ирсэн бөгөөд мэргэжилтнүүдийг Зөвлөлт Холбоот Улс (ОХУ)-д бэлтгэж байжээ. Тухайн үед Монголчууд киног “Сүүдэр ший” гэдэг байсан ба ард түмэнд үнэгүй үзүүлдэг байв.
• 1935 оны 10 дугаар сарын 11-ний өдөр Ардын сайд нарын зөвлөлийн 32 дугаар тогтоолоор “Улсын кино зургийн хороо”-г байгуулж улмаар уг хорооны харьяа “Кино үйлдвэрийн газар”-ыг байгуулжээ. Мөн онд анхны “Ард” кино театр нээгджээ.
• 1936 он – “1936 оны Майн 1” нэг бүлэг баримтат киног бүтээсэн нь Монгол кино үйлдвэрийн анхны бүтээл болжээ. “Монголын хүү” 9 бүлэг уран сайхны киног ЗХУ-ын Ленфильм үйлдвэрээс бүтээж Монгол улсад бэлэглэжээ.
• 1938 он – “Норжмаагийн зам” 2 бүлэгт анхны дуугүй уран сайхны киног бүтээжээ.
• 1939 он – Сайд нарын Зөвлөлийн 67 дугаар тогтоолоор улсын “Кино зургийн хороо”-ны харьяанд Гэрэл зургийн салбар байгуулагдав.
• 1945 он – “Цогт тайж” 2 анги 15 бүлэг уран сайхны киног бүтээв.
• 1957 он – Сайд нарын Зөвлөлийн 1957 оны 1 дүгээр сарын 11-ны өдрийн 5 тоот тушаалаар “Монгол Кино үйлдвэр” нэртэй болов.
• 1987 он – Соёлын сайдын 1987 оны 1 дүгээр сарын 7-ны өдрийн 8 дугаар тушаалаар Монгол Кино үйлдвэр, Кино үзвэрийн хэрэг эрхлэх газрыг татан буулгаж “Улсын Киноны Ерөнхий газар”-ыг байгуулав.
• 1997 он – Засгийн Газрын 1997 оны 3 дугаар сарын 19-ний өдрийн 74 тогтоолоор
• Монгол Кино компани, Монгол Фильм Үзвэрийн газар, Баримтат Кино студи, Хүүхэд, Залуучуудын театр, Киноны Хүрээлэнгийн дэргэдэх “Хүүхдийн Кино Студи”-ийг нэгтгэн “Монгол Кино” Улсын Үйлдвэрийн газрыг байгуулжээ.
• “Монгол кино” үйлдвэрийн хүчин чадлаас шалтгаалж жилдээ 4-6 бүрэн хэмжээний уран сайхны кино бүтээж ирсэн.
• 1936-1992 онд 35 мм хальсан дээр боловсруулсан 916 баримтат,
• 1936-2000 онд 292 уран сайхны кино бүтээжээ.
• Харин 2005-2015 оны хооронд 436 видео кино бүртгэгдсэн байна.