ЭРХЭМ ЗОРИЛГО, ҮНДСЭН ЧИГ ҮҮРЭГ
Урлаг, соёлын өвийг хадгалж хамгаалан хойч үедээ уламжлуулж, иргэдийн оюуны тодорхой эрэлт хэрэгцээг хангах, улмаар нийгмийн хөгжилд үр нөлөө үзүүлэхэд оршино.
ҮЙЛ АЖИЛЛАГААНЫ СТРАТЕГИЙН ЗОРИЛГО
Монголын Театрын Музейн үйл ажиллагааны үндсэн зорилго нь Монгол Улсын хэмжээнд тайз, дэлгэцийн урлаг, соёлын өвийг хадгалж, хамгаалах, хойч үедээ уламжлуулах, үзэгчдийн оюуны эрэлт хэрэгцээг хангах, улмаар нийгмийн хөгжилд үр нөлөө үзүүлэх, үнэт өвийг сурталчлах, судлах, түгээн дэлгэрүүлэх үйл ажиллагааг мэргэжлийн өндөр түвшинд дэглэн олон нийтэд үзүүлэхэд оршино.
ТЭРГҮҮЛЭХ ЧИГЛЭЛ
Музейн үйл ажиллагааны тэргүүлэх чиглэл нь тайз, дэлгэц, театр урлагийг судлах, үзмэр, эд өлгийн зүйлийг сурвалжлан олж цуглуулах, тэдгээрийг судалж шинжлэх, олон нийтэд хүртээмжтэйгээр сурталчлах.
ҮНДСЭН ЧИГ ҮҮРЭГ
Музей бол улс үндэстний соёлын биет болон биет бус үнэт зүйлсийг хадгалж хамгаалах, нийгмийн бүлгүүдэд олон арга хэлбэрээр сурталчлан таниулах замаар бүх нийтийн хөгжлийг дэмжиж, нийгмийн нэгдмэл тогтвортой, сайн сайхан байдлыг хангахад чухал үүрэг гүйцэтгэдэг соёл, боловсрол, шинжлэх ухааны байгууллага юм.